Comhrá Dhonail Uí Chorcora

le Seán Ó Ríordáin (The Irish Times 02/03/1968, lch. 10)

180px-Daniel_Corkery0001

Dónal Ó Corcora

Thug ceathrar againn turas ar Dhónal Ó Corcora in earrach na bliana 1957. Bhí sé bliain fé bhun na ceithre fichid an uair sin. Ní raibh trá dá laighead dulta ar a ghearchúis agus bhí sé, ina phearsain, chomh triopallach le cailín óg. Ní raibh sa teaghlach ach é féin agus a dheirfiúr.

Do cháin sé Bernard Shaw. Dúirt sé ná raibh ann ach iriseóir. Ba spidiúchán i mbéal Uí Chorcora an focal “iriseóir”, go h-áirithe má bhí duine ar a raibh ainm ealaíontora i gceist. “Iriseóireach, agus sin uile a bhí ina shaothar ar fad,” ar seisean. “Ní raibh oiread agus carachtar beo amháin ina chuid drámaí. Ní raibh iontu ach comarthaí. D’fhéadfá gach rud dá ndearnadar a thuaradh roimhré, marab ionann is daoine Shakespeare, dream ná beadh a fhios ag éinne cad é an chéad rud eile a dhéanfaidís. Fairis sin, níor chuir Shaw oiread agus focal amháin leis an mBéarla, marab ionann aris is Shakespeare, a fhág oidhreacht mhór focal ag an dteanga. Ní mór ná go bhfuil breith tugtha cheana air ag an aimsir.”

Cháin sé Ezra Pound chomh maith. “Símpleóir ab ea  siúd. Cheap sé go bhféadfadh sé dul go Provence agus filíocht a scríobh ar chuma fhilí Provence, agus dul go dtí an Iodáil agus aigne na hIodáile a chur uime. Ní fhéadfadh aon duine a leithéid a dhéanamh. Ní mór do chách claoi lena áit dhúchais.”

Thug Ó Corcora le fios go raibh árdmheas aige ar T.S. Eliot, ach dúirt sé gur dhein Eliot dearmad nuair a aistrigh sé go Sasana, áit ná raibh aon ghluaiseacht litríochta, ach “toy poets” ar fad. D’admhaigh sé go bhfuil roinnt d’aistriúcháin Phound go maith – an méid acu ná fuil ró-neamhspleách, ró-chiotarunta.

Advertisements
Ranganna: Uncategorized. Buan-nasc.

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s