An Mionsciorta agus an Aggiornamento


le Seán Ó Ríordáin (The Irish Times 16/03/1968 lch. 10)

augustinian.jpgLe faobhar na hoíche cúpla lá roimh Nollaig, do thugas turas ar eaglais Agaistín i gCorcaigh. Mná is mó a bhí ann. Mionsciortaí ag preabadh amach as boscaí faoistine gan aon toradh acu ar an ábhar faoistine a thugann siad don bhfireannach bocht, clúdaithe, más fíor. Naomh Agaistín ar an bhfalla ag féachaint ar na h-imeachtaí seo. Veni Cartaginem. Mionsciorta ará um an dtaca so ar íomhá na béithe in ár n-aigne – agus níl aon teora le tabhacht íomhánna na laethannta so. Ní mór ná go bhfuil an áilleacht bhaineann táirneáilte ar an mionsciorta in ár samhlaíocht.

Braithim go n-iomprann na mná go baineannacht mar a iomprann bacaigh bochtaineacht. Bíonn an bhochtaineacht scríte ar na bacaigh. Bíonn siad de shíor a h-iompar. Deirtear ná fuil rud chomh buan le dealbhas an duine bhoicht. Tá an mionsciorta lán chomh buan leis, chomh mór ina chuid den bhean. Bíonn na mná so le feiscint de shíor ag gluaiseacht ar na sráideanna agus iad go léir mar a chéile. Ba dheacair iad a aithint thar a chéile. Ba dhóigh leat go mba órd rialta iad – nó b’fhéidir mírialta.

—-

Nach é an scéal céanna é ag iriseoireacht na h-aimsire seo? Nach é an scéal céanna é ag ráitis na státairí, na saineolaithe, na n-eaglaiseach? Ná tagann na taomana caighdeánaithe céanna ar na filí agus ná cloistear na béiceacha caighdeánaithe céanna uathu ar fad? Bíonn na guthanna ar fad geall leis chomh caighdeánaithe leis an mionsciorta. Réabhlóid ab ea an mionsciorta i dtosach ach tá sé tagaithe i gcomhacht, tá sé ina establishment mar a déarfadh an té a déarfadh.

Níor tháinig leithéid an aggiornamento le cuimhne na ndaoine. Tá sí chomh soiléir le feiscint i ngach aigne le h-aon mhionsciorta. Do h-athraíodh machnamh. Do h-athnuadh creideamh agus urlabhra (do cailleadh creideamh leis). Bhíodh na scríbhneoirí fé mar a dheineann i gcónaí le linn inspioráid nua. Ba dheacair na leabhair a scríobhadh ar Vatican II a chomhaireamh. Cumadh téarmaí nua de réir mar thángthas ar mhachnamh nua. Cuireadh strus nua ar theangacha. Bhí an t-aer nua. Bhí aigne an duine nua. Bhí rud nua le rá. Ach fóiríor, ní bhíonn i rud ar bith ach seal.

(Tá an t-alt deireannach do-léite)

Advertisements
Ranganna: Ailt, Uncategorized. Clibeanna: , . Buan-nasc.

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s