An Clár Bog Déil

Ní hé seo an leagan a chloistear de ghnáth (“Phósfainn thú….”). Seo na focail a bhailigh Martin Freeman óna phríomh fhoinse amhráin, Conchubhar Ó Cochláin sa bhliain 1914. Foilsíódh é sa ‘Journal of the Folksong Society’ i 1921. Tá cosúlachtaí idir é féin agus an gnáth leagan Muimhneach ó thaobh na bhfocal de ach tá an fonn éagsúil ar fad.

Foinse: The Irish Folk Song Society Journal (A.M. Freeman)

A shearc is a rúin, is fada liom tá an Domhnach uaim
Mar shúil is go bhfeicfinnse tú arís ar cuairt
Do chúilín cailce is do bhéilín meala, is do chroí nár chruaigh
Is ar mh’fhallaingse gur mheallaise mo shláinte uaim.

Do ghlacfainn tú gan ba gan punt agus gan áireamh spré
Do leagfainn chugam thú maidin drúchta ar bharr an fhéir
Sé mo ghalar dúch gan mé agus tú, a ghrá mo chléibh
I gCaiseal Mumhan is gan de leaba fúinn, ach clár bog déil.

Ní ar chlár bhog a b’fhearr liom a bheith sínte leat
Ach ar ard leabaidh álainn fé shíodaibh bhrat
Mo lámh dheas at’fháscadh le mo chroí isteach
Agus is gearr go bhfaighinnse spás beag ón saighead so am’ shlad.

Advertisements
Ranganna: Amhránaíocht. Clibeanna: , , . Buan-nasc.

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s